៣ចំណុច បើប៉ូលីសចាប់បងប្អូនត្រូវតវ៉ា បើសិនភ្លើងស្តុបពណ៌ក្រហម អ្នកបើកបរបត់ស្តាំក្នុងស្ថានភាពគ្មានគ្រោះថ្នាក់

 

ភ្នំពេញ៖ លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាល​រាជធានី​ភ្នំពេញ នៅថ្ងៃទី១៣ ខែសីហា ឆ្នាំ២០២២ បានណែនាំបន្ថែម ដល់នគរបាលចរាចរណ៍ ដែលចាប់ផាកពិន័យប្រជាពលរដ្ឋ នៅតាមគោលដៅនានា។តាមរយៈសារសំឡេងដែលព័ត៌មានតើងទទួលបាននៅថ្ងៃទី១៣ ខែសីហា ឆ្នាំ២០២២កន្លង អ្នកនាំពាក្យក្រសួងមហាផ្ទៃ លោក សាន សុខសីហា បានណែនាំយ៉ាងដូច្នេះថា៖
ទី១៖ ករណីភ្លើងស្តុប៖ បើសិនភ្លើងស្តុបពណ៌ក្រហម អ្នកបើកបរបត់ស្តាំក្នុងស្ថានភាព​គ្មាន​គ្រោះថ្នាក់ សូមកុំផាកពិន័យ
ទី២៖ ករណីភ្លើងលឿង៖ នៅពេលអ្នកបើកបរជិះហួសគំនូសផ្លូវដើរ ទើបលោតភ្លើងលឿង ក៏សូមកុំផាកពិន័យ គឺត្រូវអប់រំណែនាំ
ទី៣៖ ចំណែកនគរបាលនៅតាមគោលដៅសម្រួលចរាចរណ៍ សូមកុំឲ្យក្លាយទៅជាគោលដៅ​អនុវត្តន៍ច្បាប់ចរាចរណ៍។
ការណែនាំបន្ថែមរបស់លោក សាន សុខសីហា បានធ្វើឡើងបន្ទាប់ពីមន្ត្រីនគរបាលចរាចរណ៍ នៅតែផាកពិន័យពលរដ្ឋខុសពីការណែនាំ ហើយក៏មានការប្តឹងពីប្រជាពលរដ្ឋ ទៅកាន់​ស្នងការ​ដ្ឋាន​នគរបាលរាជធានីភ្នំពេញផងដែរ៕ អរគុណសន្តិភាព