ការផ្ទុះ និងអគ្គិភ័យ បានឆាបឆេះឃ្លាំងគ្រាប់រំសេវមួយកន្លែងនៅឧបទ្វីបគ្រីមៀដែលបានដាក់បញ្ចូលឧបសម្ព័ន្ធរបស់រុស្ស៊ីកាលពីឆ្នាំ ២០១៤កន្លងទៅ ។ លោក ហ្សេឡេនស្គី បាននិយាយថា ហេតុផលសម្រាប់ការផ្ទុះនៅក្នុងដែនដីគ្រប់គ្រងដោយរុស្ស៊ី អាចខុសប្លែកគ្នា តែវាមានន័យតែមួយ គឺបំផ្លាញភស្តុភាររបស់រុស្ស៊ី គ្រាប់រំសេវ យោធា និងគ្រឿងយុទ្ធោបករណ៍ផ្សេងទៀត ប៉ុស្តិ៍បញ្ជាការ ដើម្បីជួយសង្គ្រោះជីវិតប្រជាពលរដ្ឋពួកយើង ៕
