ខេត្តបន្ទាយមានជ័យ៖ ផ្សារភ្ជាប់ជាមួយប្រសាសន៍របស់ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ថ្លែងក្នុងពិធីសំណេះសំណាលកាលពីព្រឹកមិញ ឯកឧត្តម ហ៊ុន ម៉ានី បានរំលេចបន្ថែម អំពី សារប្រយោជន៍នៃការពង្រឹងសមត្ថភាពរបស់យុវជនធ្វើយ៉ាងណាឱ្យថ្នាក់ដឹកនាំ មើល ឃើញពីសមត្ថភាពក្នុងការដឹកនាំយុវជនបន្តវេនដូចទៅនឹងអ្វីដែល ឯកឧត្តម អ៊ុំ រាត្រី មាន ប្រសាសន៍ថា " ដោយសារសមត្ថភាព និងការខិតខំប្រឹងប្រែងទើបធ្វើឱ្យថ្នាក់ដឹកនាំ មើលឃើញពីសមត្ថភាពពិតដែលធ្វើឱ្យយើងទទួលបានជោគជ័យ " ។ ជាក់ស្ដែងប្រសិនបើយើងក្រឡេកមកមើលថ្នាក់ដឹកនាំខេត្តបន្ទាយមានជ័យជាច្រើនរូបដែលសុទ្ធសឹងតែមានប្រវត្តិជាសមាជិក សមាជិកា ស.ស.យ.ក ។
ទន្ទឹមនឹងនេះឯកឧត្តម ហ៊ុន ម៉ានី បានមានប្រសាសន៍កោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់សមាជិក សមាជិកា ស.ស.យ.ក.ក្នុងការសម្រេចគោលដៅរបស់ខ្លួនប្រកបដោយស្មារតីតស៊ូ និងឆន្ទៈមុៈមុត។ ឯកឧត្តមបានបន្តថា នេះគឺជាស្មារតីនៃការរួបរួមសាមគ្គីរបស់សមាជិក សមាជិកា ស.ស.យ.ក. ដែលបានចូលរួមសាមគ្គីទោះបីក្នុងកាលៈទេសៈណាក៏ដោយ ហើយយើងពិតជាមានមោទកភាពយ៉ាងពិតប្រាកដដែលបានចូលរួមជាមួយការងារសង្គមដោយមិនមានការចាត់តាំងពីស្ថាប័នណាមួយឡើយ។ថ្លែងក្នុងពិធីសំណេះសំណាលនេះ ឯកឧត្តម ហ៊ុន ម៉ានី បានលើកទឹកចិត្តដល់សមាជិក សមាជិកា អោយបន្តការកសាងអំពើល្អក្នុងសង្គម ខិតខំដុសខាត់សមត្ថភាពខ្លួន ខំក្រេបជញ្ជក់យកចំណេះដឹង និងព្យាយាមរៀនសូត្រពីការងាររួមទាំងដកស្រង់បទពិសោធន៍ជាក់ស្តែង ដើម្បីសម្រេចនូវសមិទ្ធផលសម្រាប់ជីវិត និងសង្គមជាតិ៕ អរគុណសន្តិភាព
