ខេត្តស្ទឹងត្រែង៖ នាយកដ្ឋានសេវាកម្មព័ត៌មានភូមិសាស្រ្ត នៃអគ្គនាយកដ្ឋានចំណេះនិងព័ត៌មានបរិស្ថាន
បានរៀបចំវគ្គបណ្តុះបណ្តាលស្តីពី “បច្ចេកទេសប្រើប្រាស់ប្រព័ន្ធព័ត៌មានភូមិសាស្ត្រ” ក្រោមអធិបតីភាពលោក
ឡេង ជីវិន ប្រធាននាយកដ្ឋានសេវាកម្មព័ត៌មានភូមិសាស្ត្រ តំណាងឯកឧត្តមអគ្គនាយកចំណេះដឹងនិងព័ត៌មានបរិស្ថាន
និងលោកប្រធានមន្ទីរបរិស្ថានខេត្តស្ទឹងត្រែង ព្រមទាំងមានការចូលរួមពីមន្ត្រី នៃមន្ទីរបរិស្ថានខេត្តត្បូងឃ្មុំ
កំពង់ចាម ព្រះវិហារ ក្រចេះ ស្ទឹងត្រែង មណ្ឌលគីរី និងមន្ទីរបរិស្ថានខេត្តរតនគីរី សរុបប្រមាណ៥៥នាក់
នៅមន្ទីរបរិស្ថានខេត្តស្ទឹងត្រែង នាព្រឹកថ្ងៃទី៥ ខែកញ្ញា ឆ្នាំ២០២២។
វគ្គបណ្តុះបណ្តាលនេះមានរយៈពេល៥ថ្ងៃ ចាប់ផ្តើមថ្ងៃទី៥
ដល់ថ្ងៃទី៩ ខែកញ្ញា ឆ្នាំ២០២២ ធ្វើឡើងក្នុងគោលបំណងដើម្បីពង្រឹងសមត្ថភាពដល់មន្រ្តីជំនាញរបស់មន្ទីរបរិស្ថាន
ក្នុងការប្រើប្រាស់ប្រព័ន្ធព័ត៌មានភូមិសាស្ត្រ GIS សម្រាប់ការប្រមូលចងក្រងទិន្នន័យ សម្រាប់ផលិតទិន្នន័យ ការធ្វើបច្ចុប្បន្នភាពទិន្នន័យ
ការរៀបចំផលិតផែនទី និងរៀបចំជារបាយការណ៍៕ អរគុណសន្តិភាព
