ភ្នំពេញ៖ គិតត្រឹមវេលាម៉ោង
១៧:១០នាទីល្ងាចនៅថ្ងៃទី២៤ ខែកក្កដា ឆ្នាំ២០២២ លោកជំទាវ ឱ វណ្ណឌីន រដ្ឋលេខាធិការ
និងជាអ្នកនាំពាក្យក្រសួងសុខាភិបាល បានបញ្ជាក់ឲ្យដឹងថា
បច្ចុប្បន្នភាពពីករណីអ្នកប៉ះពាល់ជាមួយអ្នកជំងឺអុតស្វា ជាជនជាតិនីហ្សេរីយ៉ា
យេីងរកឃេីញអ្នកពាក់ព័ន្ធសរុបចំនួន ៥នាក់ហេីយ ដែលបានណែនាំឱ្យនៅដោយឡែកសម្រាប់តាមដានសុខភាពពួកគាត់។
ពួកគាត់ទាំង ៥នាក់នេះ មិនទាន់បង្ហាញសញ្ញាណាមួយ
ដែលបញ្ជាក់ពីការឆ្លងនៅឡេីយទេ ទោះជាយ៉ាងណា
ពួកគាត់ចាំបាច់ត្រូវនៅដាច់ដោយឡែកនៅផ្ទះរបស់ពួកគាត់ និងតាមដានសុខភាពផ្ទាល់ខ្លួន
ហេីយត្រូវរាយការណ៍ជូនក្រុមគ្រូពេទ្យប្រសិនបេីមានចេញរោគសញ្ញាណាមួយដែលសង្ស័យ
និងរក្សាសណ្តាប់ធ្នាប់សុវត្ថិភាពឃ្លាំមេីលដោយអាជ្ញាធរមានសមត្ថកិច្ចនៃរដ្ឋបាលរាជធានីភ្នំពេញ។
បើតាមរបាយការណ៍បានបង្ហាញថា ជំងឺអុតស្វា
បានសម្លាប់មនុស្សចំនួន៥នាក់ ក្នុងចំណោមអ្នកឆ្លងសរុបជាង១៦០០០នាក់ នៅ៧៤ប្រទេស នៅលើពិភពលោក។
អុតស្វាមិនស្ថិតនៅក្នុងចង្កោមក្រុមជំងឺផ្លូវភេទនោះទេ ប៉ុន្តែអ្នកជំងឺភាគច្រើន
ជាបុរសដែលស្រលាញ់ភេទដូចគ្នា៕
អរគុណសន្តិភាព
